ج ك پ مەركىزىي كومىتېتى «پارتىيەنىڭ ئىچكى نىزام- تۈزۈم قۇرۇلۇشىنى كۈچەيتىش توغرىسىدىكى پىكىر»نى بېسىپ تارقاتتى   ئۈرۈمچى شەھىرىنىڭ رېلىسلىق قاتناش قۇرۇلۇشى ئۆتكەلگە ھۇجۇم قىلىش باسقۇچىغا كىردى   باۋدىڭ- قەشقەر ئېكسپورت تاۋارلارنى توشۇش مەخسۇس پويىزى رەسمىي قاتناشقا باشلىدى   تۆمۈريولدا يازلىق يولۇچى توشۇش 7- ئاينىڭ 1- كۈنى باشلىنىدۇ   شىنجاڭدا كارىزلار راۋانلاشتۇرۇلۇپ، 100دىن ئارتۇق كارىز ئەسلىگە كەلتۈرۈلدى  
سىپىرلىق گېزىت>>>

«مەن يۇرتۇمنىڭ ئوبراز ۋەكىلى» پائالىيىتى ئاپتونوم رايونىمىزنىڭ يېڭىچە قىياپىتىنى مەملىكەت ئىچىگە تونىتىدۇ

2017.08.22 18:17 مەنبە: شىنجاڭ گېزىتى

  مۇخبىرىمىز گۈلمىرە مەمەت، پىراكتىكانت گۈزەلنۇر لېتىپ خەۋەر قىلىدۇ: مەركەز تور- ئۇچۇر ئىشخانىسى كۆچمە ئالاقە تورىنى باشقۇرۇش ئىدارىسىنىڭ يېتەكچىلىكىدە، ئاپتونوم رايونلۇق تور- ئۇچۇر ئىشخانىسى ئۇيۇشتۇرغان، «ۋاڭيى» خەۋەر تورىنىڭ شىنجاڭ تارماق تور بېكىتى ئۆتكۈزۈشنى ئۈستىگە ئالغان «مەن يۇرتۇمنىڭ ئوبراز ۋەكىلى» پائالىيىتى يېقىندا ئۈرۈمچىدە باشلاندى.

  ئۇقۇشىمىزچە، «مەن يۇرتۇمنىڭ ئوبراز ۋەكىلى»پائالىيىتى يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ دۆلەتنى ئىدارە قىلىش، ھاكىمىيەت يۈرگۈزۈشىگە ئائىت يېڭى ئىدىيە، يېڭى تەپەككۇر، يېڭى ئىستراتېگىيەسىنىڭ ئاپتونوم رايونىمىزدىكى جانلىق ئەمەلىيىتىنى، پارتىيە 18- قۇرۇلتىيىدىن بۇيان ئاپتونوم رايونىمىزنىڭ ھەرقايسى جايلىرىدا بارلىققا كەلگەن يېڭى نەتىجە، يېڭى ئۆزگىرىشلەرنى توردا بىۋاسىتە كۆرسىتىش ئارقىلىق جەمئىيەتكە ئاكتىپ كۈچ تارقىتىشنى ئاساسىي مەقسەت قىلغان ئىكەن.

  باشلىنىش مۇراسىمىدا «ۋاڭيى» خەۋەر تورى شىنجاڭ تارماق تور بېكىتىنىڭ مەسئۇلى بۇ قېتىمقى پائالىيەتنىڭ شەكلى، توردىكى بىۋاسىتە كۆرسىتىشنى كۆرۈش ئۇسۇلى ھەققىدە چۈشەنچە بەردى ھەمدە «ئاپتونوم رايونىمىزدىكى تور تاراتقۇلىرىنىڭ توردىكى بىۋاسىتە كۆرسىتىش سۇپىسىنىڭ بىخەتەرلىكىگە كاپالەتلىك قىلىش توغرىسىدىكى تەشەببۇسنامە»نى ئېلان قىلىپ، ئاپتونوم رايونىمىزدىكى بارلىق تور تاراتقۇلىرىنى دۆلەتنىڭ ئالاقىدار قانۇن- تۈزۈملىرىگە رىئايە قىلىپ، توغرا جامائەت پىكرى يېتەكچىلىكىدە چىڭ تۇرۇپ، توردىكى بىۋاسىتە كۆرسىتىش سۇپىسىدىن پايدىلىنىپ، جەمئىيەتكە ئاكتىپ ئېنېرگىيە تارقىتىشقا چاقىردى.

  تونۇشتۇرۇلۇشىچە، بۇ قېتىمقى «مەن يۇرتۇمنىڭ ئوبراز ۋەكىلى» پائالىيىتىدە ئاپتونوم رايونىمىزنىڭ ھەرقايسى جايلىرىنىڭ تەرەققىياتى، يېڭىچە قىياپىتى، ئۆتمۈشى ۋە ئۆزگىچە تائاملىرى قاتارلىق تۆت ئاساسىي تېما 100 دىن ئارتۇق تور بېكەتتە بىۋاسىتە كۆرسىتىلىش ئارقىلىق ئىناق- ئىتتىپاق، باي- باياشات، تەرەققىي قىلىۋاتقان شىنجاڭنىڭ يېڭىچە قىياپىتى مەملىكەت ئىچىدىكى تورداشلارغا ئومۇميۈزلۈك نامايان قىلىنىدىكەن.
مەسئۇل مۇھەررىر : قەلبىنۇر